Coa finalidade de poñer en valor o patrimonio etnográfico, o Concello de A Estrada e o Grupo de Estudios da Prehistoria no Noroeste Peninsular (GEPN) da Universidade de Santiago, prevén asinar un convenio de colaboración para impulsar actuacións de recuperación dos importantes vestixios da cultura castrexa que existen no concello, como Barbude ou As Cercas (As Quintas).
Castros de Barbude, San Miguel, Orazo outros
Castro de Barbude (Foto: Faro de Vigo)
O Castro de Barbude é un dos que máis interese acapara, moito del gracias ó traballo da asociación Amigos do Castro de Barbude que incluso chegou a solicitar a catalogación como Bien de Interés Cultural (BIC).
En San Miguel de Castro e Castrovite (Orazo) tamén parece haber restos importantes da cultura castrexa.
Outros posibles emprazamentos castrexos en A Estrada son, entre outros, o Coto dos Castros en Aguións, Moimenta en Arnois, Valente en Barcala, Aldea Grande e Friamonde en Callobre, Rial en Guimarei, Vilagude en Moreira, Castrotión en Oca, Viladefonso en Olives, San Bartolomeu en San Andrés de Vea, Pearo e Renda en Santeles ou Castro Ramiro en A Somoza,
Tres castros en Codeseda
Castro de Entrecastrelo
Na nosa parroquia, a asociación Codeseda Viva vai a tratar de poñer en valor os tres castros existentes:
- O Castro de Trocastrello ubicado cerca de Entrecastrelo (Ribela), a carón do límite entre Ribela, Parada e Codeseda , pero que os mapas oficiais da Xunta de Galicia (e varios documentos máis) ubican en terreos desta última.
- O do Outeiro Grande en Marcenlos, situado moi próximo á ruta de sendeirismo en proceso de homologación.
- O Castro das Cercas en As Quintas, tamén situado a escasa distancia da ruta e ubicado non precioso entorno entre dous ríos.
Acción planificadas
O primeiro paso consistiría en realizar un estudo individualizado de todos os castros para definir a súa extensión, estado de conservación e o reparto e localización dos espazos habitados. A partir destes datos procederase ao estudo do poboamento castrexo no Concello da Estrada.
De forma paralela ás accións anteriores, se realizará unha recuperación do patrimonio inmaterial, recompilando a memoria, tradicións e folclore asociados aos castros. Para realizar este traballo o GEPN levará a cabo un traballo de baleirado bibliográfico, así coma unha serie de entrevistas aos veciños da contorna dos diferentes xacementos.
A publicación dos resultados das diferentes accións en formato físico ou dixital poderá acompañarse de materiais máis específicos, dirixidos a visitantes e centros educativos. As visitas guiadas periódicas, orientadas a escolares e público en xeral, apoiados na creación de itinerarios patrimoniais, son outras das medidas propostas.