Entre os obxectivos previstos para este ano, a Asociación Codeseda Viva ten programada a creación de contidos de promoción enfocados á posta en valor do importante patrimonio artístico e paisaxístico da parroquia e tamén, por suposto, para a súa dinamización.

O primeiro destes contidos foi a preparación dun puzzle de 1000 pezas, para o que barallaron diferentes motivos, entre os que finalmente escolleron, pola súa potencia, unha imaxe da parte posterior do conxunto eclesial tomada dende o antigo camiño que accedía dende o lugar de Barro e que corresponde á primeira impresión que terían os peregrinos xacobeos ó entrar en A Sagrada.

Para esta imaxe contaron cun equipo de fotografía que se desprazou ó lugar desinteresadamente para a realización dunha ampla reportaxe. Logo de varias reunións para escoller a imaxe final do puzzle, fíxose un primeiro encargo de proba, que se chegou a montar completo no prazo dunha semana comprobando, con satisfacción, a calidade do producto e o seu resultado final.

A Asociación Codeseda Viva puxo este traballo de creación á disposición da xente da parroquia, o que derivou nunha primeira compra colectiva a cun coste moi asequible.

Con esta iniciativa, organizada pola Asociación sen axudas institucionais, a iglesia de Codeseda convírtese, xunto coa Catedral compostelana, nun dos dous únicos motivos galegos que contan cun puzzle de 1000 pezas.

Na procura da máxima difusión desta iniciativa, a Asociación non pretende obter beneficio a través destes proxectos, senon únicamente poñer a disposición da xente a posibilidade, individual ou colectiva, da súa producción. Nese sentido, fan unha invitación aberta tanto ás administracións coma a outros colectivos e agrupacións estradenses a utilizar este puzzle coma regalo institucional ou elemento de premio nos certames e eventos, para o que se poñen á súa disposición, coma sempre, na súa web www.codeseda.com.
O seguinte proxecto podrá ser o deseño e patronaxe dun peluche (amigurumi) dun entrañable elemento da parroquia que, polo momento, prefiren manter en secreto. A idea é compartir gratuitamente o patrón a través da web confiando en recibir a cambio fotos do resultado.

Paralelamente, está tamén en curso a producción da maqueta do ábside, resultado dos traballos de escaneo 3D ó que someteron á iglesia no pasado mes de Decembro.