Piorno 30 S.L. levou a cabo durante este fin de semán un importante traballo no colexio Cabada Vázquez de Codeseda. A tala controlada dun exemplar de » Acacia melanoxylon » (acacia negra, acacia de madeira negra), de gran envergadura, que había na entrada do colexio. Isto supón unha importante mellora de seguridade, tanto para os nenos como para o mesmo edificio. Este traballo , xunto con outros de tala ,limpeza e poda na mesma zona, forma parte dunha mellora que se esta realizando en dito colexio, promovidos pola ANPA e coa colaboración do Concello da Estrada.Para levar a cabo os traballos foi necesario contar cos especialistas de poda en altura , Poda en altura Galicia, que realizaron este traballo en sábado , para mais seguridade e tranquilidade na súa execución, ao ser un dia sen rapaces no colexio.

A Acacia melanoxylon e unha arbore de orixe Australiana, perenifolio, da mesma familia das mimosas. Foi introducida en España como arbore de xardín, e tamén para fixar dunas, polo sistema radicular que posúe, moi extenso, moi denso e con raíces superficiais moi fortes. Tamén se fala de que se empregou como árbore forestal en plantacións de eucaliptos, para aumentar o rendemento madeireiro destas plantacións. A súa madeira é de moi boa calidade, sendo empregada en ebanistaría, é de cor negra, de aquí o seu nome de acacia de madeira negra. Pode alcanzar os 40 metros de altura, aínda que soe ser raro ver exemplares de mais de 20 metros , tamén pode vivir mais de 100 anos. Considerase unha especie invasora, que esta incluída no atlas de Plantas alóctonas invasoras de España, dando problemas como especie invasora en moitas zonas.

Nesta caso, este exemplar , que se lle estima unha idade sobre 33 anos, formaba parte dun proxecto de plantación levado a cabo nos primeiros anos de dito colexio, alcanzaba uns 25 metros de altura, cun diámetro, a 1,30 metros do solo, de 90 cm., e cunha horquilla a 3 metros e medio do chan, desdobrando o tronco principal en dous, de mais de 50 cm. de diámetro cada un. Todo un exemplar, ao que houbo que sacrificar , para tranquilidade dos usuarios do colexio Cabada Vázquez de Codeseda.