Membros da Asociación de Nais e Pais (ANPA) do colexio Cabada Vázquez de Codeseda (A Estrada) estiveron durante o pasado sábado coidando das instalacións do colexio público.

Unha das accións máis vistosas foi a colocación dun cierre de madeira arredor da horta na que os rapaces teñen a oportunidade de cultivar varias plantas típicas da horta galega.

Este é o primeiro paso para, según vaia mellorando o tempo, ir dándolle continuidade a esta interesante actividade que xa leva varios anos desenrolándose baixo o proxecto Voz Natura.

Con este cierre a colleita xa quedará bastante máis protexida dos ataques dos «xabaríns escolares» que, en forma de pelotas de fútbol, teñen feito varias desfeitas en ocasións anteriores.

Outra tarea levada a cabo foi a limpeza de varias zonas comúns, que lle permitirá ós cativos xogar nun entorno aínda máis coidado.