A zona sur do Concello de A Estrada da un paso máis para converterse nun destino de referencia para os amantes da natureza. O domingo 17 de xuño inaugúrase a ruta de sendeirismo PR-G 197 #retoCodesedaSabucedo que vai desde a Carballeira da Feira de A Sagrada, en Codeseda, ata cerca de Souto e despois vaia pola beira do río Umia uns 6 km desde A Zapateira ata Marcenlos, onde abandona o río para ir cara Trabadela, xa na parroquia de Rivela.
Despois segue pola carballeira de Porto Bo e diríxese cara o Santuario da Virxen da Grela.

 

A Portela e Vilaboa son as seguintes zonas polas que se pasa, antes de chegar ó curro das Bestas de Sabucedo. Dende este coñecido lugar vaise cara os muiños de Vesacarballa e despois súbese cara o Monte do Peón, coñecido por ser o fogar das míticas bestas salvaxes da Rapa.
A baixada cara a Fervenza das Quintas acerca ós sendeiristas ao punto de inicio, a onde chegan pola zona da ábside románica da Igrexa parroquial.

O percorrido enteiro son uns 30 km e, para os que non se atrevan con tanta distancia, está sinalizado un corte intermedio entre A Grela e Codeseda.

Turismo da Estrada organizou para este domingo unha andaina guiada e gratuíta, que partirá sobre as 9:30 da carballeira de A Sagrada, na zona comercial de Codeseda.
Poderáse facer tanto a versión completa, de 30 kilómetros, ou a corta, de 16 kilómetros.

A ruta circular #retoCodesedaSabucedo foi ideada pola asociación Codeseda Viva e levada a cabo polo departamento de Turismo de A Estrada, dirixido por Óscar Rancaño.
Outras entidades como a asociación Rapa das Bestas ou a Cofradía da Virxe de Guadalupe tamén puxeron o seu gran de area.

As persoas que queiran asistir solicítase que se inscriban gratuítamente mediante o correo electrónico sanidadeeturismo@aestrada.es