A Consellería de Medio Rural da Xunta de Galicia informa sobre a toma de posesión provisional das novas fincas:

1. Que é a toma de posesión provisional dos novos predios: Cando se dá a toma de posesión, os novos predios se poñen a disposición dos novos propietarios, que gozarán dende este momento, fronte a todos, dos medios de defensa establecidos nas leis, polo que o novo propietario pode e debe acceder ao novo predio con todos os dereitos. 2. A quen obriga a toma de posesión: A toma de posesión é obrigatoria para todos os propietarios e
afectados; tanto os que deben ocupar as novas fincas Como os que deben deixar as parcelas vellas.
3. Datas para tomar posesión: A data a partir da que se pode tomar posesión é:

• 28/09/2017: para terreos de prado, pasto, monte e labradío sen colleita pendente
• No momento no que se recollan as colleitas actuais, nos restantes predios

4. Árbores nos predios: En relación Coas árbores existentes nos predios recoméndase, na medida do posible, chegar a un acordo entre a chegante e adxudicatario.
En caso Contrario, poderán ser retiradas polos propietarios das parcelas vellas ata a data límite do 28/03/2018.
Debendo Contar para iso co preceptivo permiso do Servizo de Montes. No caso de especies autóctonas protexidas, ademais deben contar co informe favorable de Servizo de Conservación da Natureza.

5. Comprobación da superficie dos novos predios: Os propietarios que o consideren conveniente poderán realizar a medición dos novos predios e, no caso de que a Superficie non coincida coa que se indica na documentación e a diferenza sexa Superior ao dous por cento, poderán reclamar esta falta de Superficie.
A data límite para reclamar falta de Superficie é o 28/11/2017 (sesenta días naturais dende o 28/09/2017).

Importante: os propietarios das parcelas de achega deben, en todo caso, permitir aos titulares das novas fincas o acceso a elas para que poidan proceder á súa medición dentro do prazo dos sesenta días. Aínda que teñan colleitas pendentes de recoller.

• Debe terse en comta que:
  A falta de Superficie dunha finca non será Compensada cando exista exceso de Superficie no conxunto dos predios atribuídos ao mesmo propietario, e esta sexa suficiente para compensar en valor de puntuación o conxunto das atribucións.
• Non se admitirá reclamación no caso de que a finca obxecto desta coincida exactamente, na súa delimitación cartográfica, coa parcela achegada polo mesmo titular.
• A reclamación deberá acompañarse dunha medición pericial (Pode Consultarse a documentación que hai que presentar no teléfono 986 80 54 07).

6. Falta de marcos nos novos predios: No caso de predios aos que lles falte algún marco, poderá solicitarse a
colocación do dito marco por escrito, acompañado dun plano no que se sinale o marco que se reclama.
Lémbrase que a retirada dos marcos colocados por este Servizo no exercicio das súas funcións poderá supoñer o inicio dun expediente sancionador por infracción grave, sancionado con multas de 300,05 € a 1.502,53 €.
7. Se non deixan tomar posesión do novo predio: No caso de que algún propietario vexa impedida ou dificultada a toma de posesión polo antigo propietario das parcelas que lle houberan correspondido, poderá presentar unha reclamación por escrito dirixida ao Servizo de Infraestruturas Agrarias.
Esta reclamación dará lugar ao inicio dun expediente de compulsión directa sobre o antigo propietario, así como dun posible expediente sancionador por infracción moi grave, sancionada con multas de 1.502,54 € a 3.005,06 €.
8. Consultas e reclamacións: Para calquera consulta poden dirixirse a: Servizo de Infraestruturas Agrarias, na Avda. Fernández Ladreda, n.9 43, en Pontevedra (en horario de 9:00 a 14:00, preferiblemente os venres) ou no teléfono 986 806 599 e 986 805 452.

As reclamacións deberán realizarse por escrito debidamente rexistradas, dirixidas a:

“Servizo de Infraestruturas Agrarias. Xefatura Territorial da Consellería de Medio Rural en Pontevedra. Avda. Fernández Ladreda, n.9 43. 36071 Pontevedra”.

Os modelos de solicitude de colocación de marcos, acondicionamento de predios e da solicitude de compulsión directa están a súa disposición nas oficinas deste servizo, nas dependencias da Oficina Agraria Comarcal da Estrada (Estrada PO-841 Toedo, A Estrada) e nas oficinas do Concello da Estrada.

9. Lexislación aplicable:
O exposto anteriormente regúlase pola seguinte normativa, entre outras de aplicación:

• Lei 4/2015, do 17 de xuño, de mellora da estrutura territorial agraria de Galicia
• Lei 10/1985, de 14 de agosto, de Concentración parcelaria para Galicia, modificada pola Lei 12/2001, do 10 de Setembro
• Lei de reforma e desenvolvemento agrario, de 1973
• Lei 39/2015, do 1 de outubro, do procedemento administrativo común das administracións públicas

10. Consulta de información:
Os planos do acordo (fincas novas) e das bases (parcelas vellas) de Concentración poden Consultarse na web da Consellería do Medio Rural na dirección: http://mediorural.xunta.gal
O último plano actualizado coas resolucións dos recursos de alzada contra o acordo é o que se identifica no listado de planos do acordo como Plano Xeral.

IMPORTANTE: Este documento é unha nota meramente informativa xa que a toma de posesión será notificada individualmente por correo postal.

——————————————————————————

 

Desde Codeseda.com recomendamos para calquer trámite de reclamación ou medición das fincas novas, os servizos da empresa Ingeniería forestal e agrícola Top Rural, domiciliada en Fragoso nº 20 Codeseda (A Estrada) e con teléfono 609 716 140.